晏晝

晏晝，又或者叫下晝，係指由中午至黃昏嗰段時間，朝頭早、中午、晏晝同埋夜晚合成一日。

晏，就係「晚、遲」噉解。《楚辭．屈原．離騷》曰：「及年歲之未晏兮，時亦猶其未央」，其中嘅晏字就係呢個噉嘅意思。而晝則係有日頭嗰陣時，即係日間。晝可分為兩個部份，正午係分界線。前半係上晝，即係朝頭早。而下半就係晏晝，亦叫下晝。晏晝正式所指係「午時之後，黃昏之前」，但係因為中國嘅緯度唔係好北，唔會太晏先至開始入黑，所以粵人講「晏晝」，所指通常係「正午之後，四點半之前」。極北國家，有時入黑好晏，所以住響極北國家嘅粵人，對晏晝嘅見解會同粵語人唔同。

有啲人響晏晝會食嗰餐晏晝飯，而家啲人稱之為「食晏」。

十二小時制

晏晝響十二小時制之中，係「下午（pm）」嘅一部份，代表正午之後，包括黃昏，但係唔包括夜晚。粵人用十二小時制講時間，好多時唔會講「下午」。而用「晏晝」同「夜晚」為頭。好似下午一時，粵人通常會話係「晏晝一點」，而7pm，就會話係「夜晚七點」。

睇埋