丘處機
| 丘處機 | |
|---|---|
 | |
| 姓名原文 | 丘處機 |
| 出生日 | 1148年2月10號  |
| 出生地 | 棲霞 |
| 死亡日 | 1227年7月30號 （79歲） |
| 死亡地 | 大都 |
| 國籍 | 金、大蒙古國 |
| 識嘅語言 | 中文 |
| 信奉 | 道教 |
| 職業 | 探險家、religious leader、adviser、作家 |
| 名作 | Panxi Ji、Dadan Zhizhi |
[改維基數據] | |
.jpg)
丘處機（1148年2月10號—1227年8月22號[註 1]），號長春子，係道教全真派北七真之一，亦係龍門派嘅祖師，佢係繼王重陽之後，致力弘揚道教，令全真教大爲興盛嘅關鍵人物。佢曾經遠赴西域，面見成吉思汗，勸成吉思汗減少殺戮。
傳承關係
[編輯] |
道教祖師王重陽得到鍾離權、呂洞賓祖師傳授嘅金丹大道，之後創立咗全真派，又稱爲「北宗」。王重陽有七大弟子，其中之一就係丘處機。
道教北宗嘅傳承關係：
始於王重陽嘅道教北宗，同始於張紫陽嘅道教南宗，都係師承自鍾離權、呂洞賓。南、北二宗所傳授嘅道法，主張性命雙修、三教合一，係道教界公認嘅金丹大道正宗傳承。
生平
[編輯]據記載[2][3][4][5]，丘處機自幼天資聰穎，鍾意談玄論道。金朝大定丁亥年春，佢十九歲，聽聞王重陽祖師喺崑箭山煙霞洞，就好誠心咁去拜見、請教。王重陽祖師對丘處機非常欣賞，收咗佢做徒弟，傳授咗好多道妙玄機，又贈詩云：
細密金鱗戲碧流，能尋香餌會吞鉤。被予緩緩收綸線，拽入蓬萊永自由。
丘處機感恩拜受，從此跟住王重陽學習、修道、傳教。多年之後，王重陽祖師升仙，丘處機繼續修煉，道行越來越高深，可以做到連續七年都唔躺臥瞓覺，而且無論寒暑都净係著一簑一笠，被人稱爲簑衣先生。
金世宗聼聞丘處機道行高深，多次召見佢。丘處機為金世宗剖析天人之理，演明道德宗旨，令到金世宗好滿意。丘處機又作《瑤臺第一層》，獻畀世宗皇帝：
寶運龍飛，當四海群仙降跡時。萬機多暇，三靈協贊，不動槍旗。玉樓金殿廣間，月臺風榭臨池。靜無為，泛綵舟，嗚棹涼蕈枰暮探。惟前王創業，太平難遇，道難期會。逢天祐，遐荒入貢，玄教開迷。坐朝垂聽，暇伴赤松，談論希夷。勝驅馳，向人問一度，天外空歸。
世宗皇帝睇咗之後好歡喜。第二日，皇帝派人賜一盤桃果畀丘處機。丘處機已經辟穀十几年，但因爲係皇帝賞賜，所以勉强食咗一枚桃果。之後皇帝又賞賜咗好多錢。
多年之後，金世宗駕崩，丘處機聽聞，感嘆道：，
嗚呼，生死之大，貴為萬乘，富有四海，不能終於百年，若之何哉。
為咗勸更多人修道超脫生死，丘處機周游各地、弘揚道教，名聲越來越大。金朝明昌年間，金朝、南宋、蒙古，都派使者來邀請丘處機。大家都以爲丘處機會選擇南行，因爲南方好崇尚道教，而北方啱啱經歷戰爭同大屠殺，而且言語不通。但係令大家好意外，丘處機選擇咗隨同蒙古使者，向西而行。當時，丘處機已經有七十一歲，途中，佢作詩寄語燕京嘅友人：
十年兵火萬民愁，千萬中無一二留。去歲幸逢慈詔下，今春須索冒寒遊。
不辭嶺北三千里，仍念山東二百州。窮急漏誅殘喘在，早教身命得消憂。
一路上經歷艱難險阻，風雪嚴寒，丘處機又作詩云：
金山東畔陰山西，千巖萬壑鑽深溪。溪邊亂石當道外，古今不許通輪蹄。
前年軍興二太子，修道架橋徹溪水。今年吾道欲西行，車馬喧闐復經此。
銀山鐵壁千萬重，爭頭競角誇清雄。日出下觀滄海近，月明上與天河通。
參天松如筆管直，森森動有百餘尺。萬株相倚鬱蒼蒼，一烏不嗚空寂寂。
羊腸孟門壓太行，比斯大略猶尋常。雙車上下苦敦擷，百騎前後多驚惶。
天池海在山頭上，百里鏡空含萬象。懸車東馬西下山，四十八橋低萬丈。
河南海北山無窮，千變萬化規模同。未若玆山太奇絕，磊落峭拔如神功。
我來時當八九月，半山已上皆為雪。山前草木暖如春，山後衣裊玲如鐵。
長途跋涉上萬里，終於去到西域，見到成吉思汗。因爲丘處機推辭咗金朝、南宋嘅邀請，不遠萬里來見蒙古大汗，成吉思汗好高興，就經常召見佢。丘處機就勸成吉思汗減少殺戮、節制欲望。成吉思汗聽從勸告，減少咗对漢人嘅屠殺。
癸未年春，成吉思汗派幾千甲騎，護送丘處機番去燕京。丘處機將燕京嘅天長觀改為長春宮，又修建白雲觀，合而為一，之後住持長春宮，弘揚道教，全真教越來越興盛。期間，丘處機多次開壇作法，祈雨，都非常靈驗。
到丁亥年七月，丘處機差唔多有八十歲，佢預知時至，就對門人弟子話：「當年馬丹陽師兄預言，全真教會大興，而家預言已經實現，我已經無遺憾。」
到七月九日，丘處機祖師昇座寶玄堂，留低一首頌：
生死朝昏事一般，幻泡出役水長閑。微光現處跳烏兔，玄量開時納海山。
揮斥八絃如咫尺，吹虛萬有似機關。狂辭落筆成塵垢，寄在時人妄聽問。
然後就番咗葆光堂，羽化登仙而去。當時，有青鸞、白鶴徘徊上下，瑞氣瀰漫，仙音繚繞。周圍嘅人見到，都瞻仰、禮拜。
到三年之後，丘處機祖師留低嘅肉身仍然保持不腐，而且柔軟唔僵硬，顔容如生，甚至毛髮、指甲仲可以繼續生長。
雪峰贊曰：
乾坤作堂屋，日月為燈燭。樓霞一老仙，俯仰於中宿。
對眾口談天，語句噴冰玉。開啟玄微機，潛享高穹祿。
煖煉神何清，神光炫二目。起立身何輕，清風生健足。
大道興不興，到處人心服。金丹成未成，白雲滿巖谷。
