中卓醫務

中卓醫務（Hong Kong Medical Consultants）係香港一間醫療集團，喺2013年成立，並且喺2020年11月申請上市，當時曾得到新地郭氏家族鼎力支持。而家嘅主席係藝人曾華倩嘅阿哥曾華德。

爭議

武漢肺炎期間醫療事故

喺2021年4月，中卓醫務涉及一單打錯武漢肺炎疫苗嘅醫療事故。當時政府正喺香港一啲體育館同其他地方安排市民接種武漢肺炎疫苗，而由中卓醫務營運、喺九龍灣體育館嘅接種中心，職員幫一名本來預約打BioNTech嘅55歲患癌外籍人士，打咗中國科興疫苗。事主話當初揀接種BioNTech疫苗，係因為佢接受化療同患有白血病會降低疫苗效用，如果接種保護率唔高嘅科興疫苗，擔心保護率所剩無幾。香港醫院藥劑師學會會長崔俊明直指事件離譜，認為最少應該向佢哋發警告，如有嚴重事故應考慮停止合作。