中國共產黨販毒行為
有部分觀點認為，中國共產黨喺實質管治中國前，就已經透過販賣毒品嚟去籌募資金或達到自己嘅政治目的。
實際管治中國前
[編輯]喺第二次世界大戰之後，中共就喺南泥灣種植鴉片[1]，而王震就係三五九鴉片旅旅長。中共高層初初對於種植鴉片有爭議，陝北出身嘅高崗反對，但係最後由毛澤東拍板決定，聲稱鴉片都可以「革命」，用嚟推翻國民黨政府。而王震喺中共建國後一直得到毛澤東同鄧小平嘅支持[2][3]。
實際管治中國後
[編輯]美國眾議院中共問題特設委員會（Select Committee on the Chinese Communist Party）嘅報告指，中國政府自2018年起，用稅收優惠、贊助等補貼方式，鼓勵化學公司、實驗室非法製造至少17種合成毒品，包括14種芬太尼或類似物，以及製作這類毒品嘅前體物質，並透過一啲化工企業對外銷售一啲化工產品，包括輸出芬太尼（fentanyl）等致命毒品到美國、墨西哥、澳洲、英國、德國等國，並且話國有獨資企業參與咗走私毒品嘅過程[4][5]，當中亦涉及濫用香港特快專遞嘅網絡[2]。報告亦指，全球幾乎所有嘅芬太尼前體物質都係中國生產[5]。
芬太尼本身唔一定係非法嘅。佢可以用作劇烈疼痛嘅癌症病人嘅鎮痛劑。不過，中國實驗室涉嫌向毒販，特別係墨西哥毒販，提供用於製造芬太尼嘅物質，仲涉嫌偽造海關文件。呢種販運通常通過互聯網進行，並且可以用加密貨幣支付[6]，呢樣令調查人員嘅任務變得更加複雜[7]。
喺美國，嘅非法芬太尼入面，有97%來自中國，亦有病例有唔少人食左摻有芬太尼嘅偽藥導致死亡嘅案例[5]。從 2022 年 3 月到 2023 年 3 月，美國錄得咗11萬人因為過量服用而死亡，其中有三分之二係因為服用芬太尼所致[7]。而去到2023年6月24號，美國政府亦起訴咗4間販運芬太尼生產原料嘅中國企業[8]。
部分被點名嘅人士同公司
[編輯]中國嘅回應同埋就爭議同美國之間嘅溝通
[編輯]不過中國政府就否認指控，話對呢啲行為唔知情[4]，又話問題出在美國本身[10]，美國唔應該指責人哋[7]。喺中國同美國嘅溝通入面，芬太尼亦成為其中一個議題，但「中國問題特別委員會」主席蓋拉格（Mike Gallagher）就話，中國一邊同美國協商，一邊就擴大對所有芬太尼及其類似物、以及前體物質嘅補貼。美國前司法部長巴爾（William Barr）亦批評，中國唔係真心誠意要根絕芬太尼。美國緝毒局（DEA）前行動主任杜諾文（Ray Donovan）亦指出，好多有關公司嘅董事會成員都同中共高層有關，甚至直接拿中國政府嘅補助，呢個先係問題所在[5]。
其他人士反應
[編輯]鏈上分析公司 Elliptic 進行研究發現呢啲提供芬太尼前置原料嘅中國化學品製造商當中，有 90% 提供咗用嚟付款嘅加密貨幣錢包地址，其中以而比特幣最受歡迎，其次係美元穩定幣 USDT[6][11]。
外間評論
[編輯]時事評論員林保華話，中共自己都有種鴉片，但就係喺度鬧鴉片戰爭，係恬不知恥[3]。
時事評論員黃世澤喺2019年8月批評，中國提名曾偉雄去做聯合國禁毒政策嘅掌舵人，係因為佢會包庇中國出口芬太尼嘅出口活動。另外中國建立嘅芬太尼網絡，亦成為香港黑社會對北京忠心嘅理由[12]。
參考
[編輯]- ↑ 黃世澤, martinoei (2019-08-02)。〈曾偉雄 Trump 芬太尼〉。《MO's notebook 4G 黃世澤 的筆記簿》 (臺灣中文)。喺2024-06-03搵到。
- ↑ 2.0 2.1 黃世澤, martinoei (2019-04-02)。〈芬太尼 要管係應該，唔係恩賜〉。《MO's notebook 4G 黃世澤 的筆記簿》 (臺灣中文)。喺2024-05-25搵到。
- ↑ 3.0 3.1 〈關鍵之一是種植鴉片！中共如何在抗戰期間壯大自己？ -- 上報 / 生活〉。www.upmedia.mg。喺2024-05-25搵到。
- ↑ 4.0 4.1 〈「中國造」合成類毒品泛濫為何難以遏制？〉。《BBC News 中文》 (繁體中文)。喺2024-05-25搵到。
- ↑ 5.0 5.1 5.2 5.3 中央通訊社 (2024-04-18)。〈中國補貼芬太尼生產出口 助長美國毒品問題被視為另類戰爭 | 國際〉。《中央社 CNA》 (中文)。喺2024-05-27搵到。
- ↑ 6.0 6.1 〈新鴉片戰爭！美國難擋「芬太尼」止痛藥走私，9成中國製造商接受加密貨幣〉。《動區動趨-最具影響力的區塊鏈新聞媒體》 (臺灣中文)。2023-05-24。喺2024-07-14搵到。
- ↑ 7.0 7.1 7.2 〈美國制裁中國芬太尼製造網絡 中國生氣〉。《RFI - 法國國際廣播電台》 (繁體中文)。2023-10-04。喺2024-06-05搵到。
- ↑ 中央通訊社 (2023-06-24)。〈涉販運芬太尼生產原料 美國起訴4家中國企業 | 國際〉。《中央社 CNA》 (中文)。喺2024-05-30搵到。
- ↑ BusinessFocus。〈【美國制裁】走私芬太尼被美國制裁！中國化學家被認定「重大外國麻醉品售賣者」〉。BusinessFocus (中文)。喺2024-06-15搵到。
- ↑ 聯合早報 (2023-05-31)。〈中國批美制裁：芬太尼問題出自美國本身〉。《香港01》 (香港中文)。喺2024-07-14搵到。
- ↑ Research, Elliptic. "Chinese businesses fueling the fentanyl epidemic receive tens of millions in crypto payments". www.elliptic.co (英文). 喺2024-07-14搵到.
- ↑ 黃世澤, martinoei (2019-08-02)。〈曾偉雄 Trump 芬太尼〉。《MO's notebook 4G 黃世澤 的筆記簿》 (臺灣中文)。喺2024-06-03搵到。