中國國企在台灣金融業投資

因應兩岸關係發展，中國國企喺台灣金融業有作出唔少投資，其中中國銀行、中國建設銀行、中國農業銀行、交通銀行同埋招商銀行。另外，陽信銀行亦已經被中國國務院掌控嘅南海控股入股。

中國國企銀行喺台灣嘅分行

中國銀行臺北分行

中國銀行係中國第一間獲准喺台灣設立經營性分支機搆嘅銀行。2011年12月22號，中國銀行獲准籌設臺北分行。去到第二年6月22號，中國銀行臺北分行開業。依家佢地既總部喺臺北市信義區松仁路105號嘅克緹國際大樓，大樓門口亦有中銀嘅商標。截止2023年9月30號，佢地資產超過6000億台幣。

中國建設銀行台北分行

2013年6月，中國建設銀行台北分行獲得許可對外營業。依家佢地既總部喺台北市信義區信義路五段108號信義經貿大樓1樓。喺2015年3月，當時嘅台北分行行長李國夫就曾經話，台北分行要幫台灣建設人民幣離岸金融市場，擴大人民幣影響力。截止2023年9月30號，佢地資產超過5379億台幣。

其他中國國企在台灣金融業投資

陽信銀行

中國國務院掌控嘅南海控股，喺2017年入股民主進步黨大佬陳勝宏主管嘅陽信銀行，去到2019年持股達2.86％，成為陽信第五大股東。

被指有中資成份嘅台灣金融業機構

街口支付

街口支付係台灣一間主要流動支付嘅服務供應商之一，但就曾經陷入中資疑雲，之後《今周刊》報導，指中國昆山市政府背後可能有持股，但負責人胡亦嘉就否認。街口支持支付甚至採取法律行動，控告今周刊發行人、總編輯同撰稿記者，話佢哋惡意誹謗，但之後檢察官認定3人唔構成妨害名譽，處分不起訴。

外間爭議

分行成為政治議題抗議場地

中國國企銀行嘅實體分行，有時會成為同中國相關政治議題嘅抗議場地。

• 喺2014年2月26號，台灣勞工陣線、台灣教授協會、婦女新知基金會就去咗中國建設銀行台北分行，抗議中資廣告扼殺台灣民主，建設銀行踐踏言論自由。

國安風險

有啲人認為，中國國企銀行喺台灣嘅分行，或已經造成國安風險。

• 喺2014年6月17號，金管會前主委施俊吉喺媒體投稿，質疑台灣央行喺開放指定外匯銀行辦理人民幣存款欠缺回流機制，令中國銀行台北分行吸收鉅額轉存款，轉手之間大賺暴利。佢擔憂，如果將來服貿通過，中國企業嚟台灣購併本地廠商，所需資金只需向中銀台北分行融通「台資」，根本無需從對岸匯入中資，會做成國安問題。