中國大陸愛滋病情況

愛滋病病例喺中國大陸已經有，大多數愛滋病病毒感染同吸毒、賣淫同埋性傳播途徑有關，曾經有段時間發生過「血禍事件」，輸血傳播亦佔咗一大部分。目前中國大陸愛滋病病毒感染人數大概喺43萬至150萬之間，亦有統計畀出比呢個範圍更高的數據。

史

發現

1985年6月，中國大陸發現第一宗愛滋病個案，帶菌者係阿根廷遊客，佢最後喺協和醫院因併發症死咗。到1989年底，大陸地區已經發現172名愛滋病感染者，當中大部分都有吸毒。

1990年代

1990年代，中國政府認為愛滋病嘅主要傳播途徑係異性間嘅性行為同埋吸毒。愛滋病防治工作者高耀潔同好多體制外人士認為，愛滋病喺中國傳播嘅主要途徑係採血（獻血）、輸血，以及內窺鏡檢查、胃腸鏡檢查消毒唔夠、手術醫生唔換手套等醫療途徑。政府片面誇大性行同埋吸毒嘅原因，係想逃避責任。1990年代初，河南省曾經因非法血站氾濫導致愛滋病廣泛蔓延。到1990年代末賣血已經基本得到控制，但各地重大採血、供血安全事件仍時有發生。

呢段時期，中國大陸愛滋病感染人數快速增長。到1999年底，中國大陸所有省份都有愛滋病案例報告，說明愛滋病已經擴散到全國。同時愛滋病感染人群亦由高危人群開始擴散到社會各個階層。其中喺性工作者同男同性戀者間嘅傳播速度都有增長趨勢。到1999年底，中國大陸地區估計有50萬人感染愛滋病。而聯合國已經向中國政府發出警告，要求中國政府採取緊急措施，阻止愛滋病蔓延。

21世紀

2006年1月25號，中國衛生部、聯合國愛滋病規劃署、世界衛生組織聯合公佈，到2005年底中國已確認人類免疫缺陷病毒帶菌者有65萬，累計病患者超過100萬。

21世紀以來，隨住社會風氣不斷開放，中國大陸嘅愛滋病情況亦發生好大變化。2010年以來嘅調查顯示，性行為傳播已經成為主要途徑，尤其係男男性行為嘅愛滋病感染率一直居高不下。各地高校都有愛滋病感染嘅報告，大學生患者同老年患者呈現增多趨勢。

2014年，全國新增愛滋病病毒感染者同埋愛滋病患者病例10.4萬，比前一年增加14.8%。

感染人數

2007年11月29號，國務院防治愛滋病工作委員會辦公室、衛生部、聯合國愛滋病中國專題組聯合舉行《中國愛滋病防治聯合評估報告（2007年）》專題新聞發佈會，公佈中國2007愛滋病最新資料。截至2007年10月底，全國累計報告愛滋病病毒感染者223,501例，其中愛滋病病人62,838例，死亡報告22,205人。截至2007年底中國現存愛滋病病毒感染者同病人大概70萬，全人群感染率為0.05%，其中愛滋病病人8.5萬人，2007年新發愛滋病病毒感染者5萬，因愛滋病死亡有2萬人，喺5萬新發感染者中，異性性傳播佔44.7%，男性性傳播佔12.2%，注射吸毒傳播佔42%，母嬰傳播佔1.1%。

2014年10月，國家衛生計生委副主任王國強介紹話，截至2014年10月底，全國報告現存活嘅愛滋病感染者同病人已達49.7萬例，死亡15.4萬例。

治療同預防

• 因為愛滋病可以經血液傳播，如果父母有愛滋會傳畀嬰兒。生物學家賀建奎就自稱成功編輯咗一對雙胞胎嘅基因，等佢哋唔會染上愛滋。點知佢咁做被國際學術界指責有違社會道德倫理，指佢係「基因編輯流氓」（CRISPR rogue）。2019 年，中國深圳市法院以非法行醫等罪名，判佢坐監 3 年同罰款。

參考

• 愛滋病病毒旅行限制同撤退：www.plwha.org