中國泛藍聯盟

中國泛藍聯盟喺2004年 8月成立，係中國大陸嘅網絡政治團體，以「泛藍」為名，主要係要避免同大陸嘅自由黨派中國國民黨革命委員會混淆。組織公開會員達到二千幾名，以二、三十幾歲嘅年輕人為主，且都以中國國民黨精神黨員自居^[1]根據該組織嘅講法，中國泛藍聯盟係以「精誠團結，海納百川」為原則，為國民黨喺大陸嘅精神黨員提供服務。組織目標在於宣傳三民主義，傳播台灣經驗，促進國家嘅和平統一事業^[2]。

相關事蹟

根據媒體報導，呢個團體除咗進行思想分享、爭取權益、參與地方人大選舉外，重喺多個農村地區開展維權運動，係2007年，已經處理咗九十一件維權案件，受到地方政府唔小嘅關注。亦有講法話氾濫聯盟思想過於激進，所提嘅口號過於激進，對中國大陸嘅安定環境冇好處。亦有指氾濫聯盟有俾外國反華勢力利用嘅趨勢。

組織成立以來，曾經推動數次大型活動，喺2005年十月邀請國民黨高層到北京訪問嗰陣甚至獲准到現場舉標語歡迎，「唯後來打壓情況收緊，不但活動受禁，成員經常受到無理行政拘留，有喺政府部門工作嘅會員近日甚至被迫辭職，工作都不保。」^[1]2008年，連戰再度前往大陸，泛藍聯盟預備喺連戰抵達河南鄭州時前往歡迎，不過呢個組織負責人孫不二接受媒體電話訪問時宣稱「十餘名各省負責人動身出發時，卻遭到非法關押、監控、軟禁、及被迫寫下不再接觸的保證書」，「中共表面隆重歡迎連戰的到訪，另一方面卻大規模打壓國民黨在大陸的精神黨員，顯示中共當局根本無國共合作之誠意」^[3]。

國台辦發言人楊毅喺2007年4月一場記者會道話，「該組織未經合法登記，呢個組織同埋佢嘅活動係非法嘅。所謂中國泛藍聯盟，我哋了解嘅情況同中國國民黨冇關係。」^[4]

參考

↑ ^1.0 ^1.1 。「中國泛藍推動政治維權」，2007年04月25日，聯合報
↑ 泛藍聯盟負責人陳榮利拜會國民黨主席馬英九，博訊新聞網，2006年5月28日
↑ 「迎連戰中國泛藍被捕毆打」，2007年04月25日，聯合報
↑ 國台辦稱中國泛藍聯盟是非法組織，鳳凰網

出面網頁

[中國泛藍_推動政治維權-1] 1.0 ^1.1 。「中國泛藍推動政治維權」，2007年04月25日，聯合報

[2] 泛藍聯盟負責人陳榮利拜會國民黨主席馬英九，博訊新聞網，2006年5月28日

[3] 「迎連戰中國泛藍被捕毆打」，2007年04月25日，聯合報

[4] 國台辦稱中國泛藍聯盟是非法組織，鳳凰網

[1]

[2]

[3]

[4]