中環索罟灣渡輪
中環索罟灣渡輪係香港一條港外渡輪線，來往中環四號碼頭同埋南丫島索罟灣碼頭，而家由港九小輪旗下城永公司營運。
歷史[編輯]
渡輪線開辦時係由油麻地小輪營辦，1999年4月1號，油麻地小輪被政府收回部分專營權後，改由港九小輪接辦到而家。
由於南丫島必須依靠渡輪往來市區，客量都算穩定，不過南丫島居民集中響榕樹灣，而且榕樹灣班次較頻密，同埋索罟灣有往來香港仔嘅全記渡競爭，客量始終不及榕樹灣。但每逢假日都會有大量遊客到南丫島旅遊，因此呢條線假日客量比平日多。
航行時間[編輯]
呢條線全部用半高速船，船程大約30到40分鐘，但實際航行時間會受維多利亞港範圍航速限制、海上交通，天氣同海面情況等因素影響。