《中葡和好通商條約》（葡文：Tratado de Amizade e Comércio Sino-Português），又叫做《中葡北京條約》，係1887年清政府同葡萄牙王國喺北京簽署嘅唔平等條約。1928年由國民政府宣佈條約期滿。條約原件原先擠喺中華民國外交部，而今喺臺北外雙溪國立故宮博物院。《中葡和好通商條約》當中寫明，中國同意葡萄牙永居管理澳門，不過，中國亦保留咗葡萄牙如果要將澳門畀第個國家必須經過中國同意嘅權利。呢一份係16世紀以來中葡之間第一份有關澳門嘅正式條約。
