久邇朝建

久邇朝建（日文：くに あさたけ，1940年—）係日本舊皇族，朝融王二仔。響未皇籍脫離之前，尊稱朝建王。

經歷

1940年，朝融王同妃知子女王嘅第六個細路（第二個仔，如果計埋佢個私生大家姐就係第七個細路）響久邇宮宮邸出世，七日之後改名叫朝建。

1947年，響駐日盟軍總司令指示下，朝建王皇籍脫離，降做平民，改名叫久邇朝建。

響學習院大學畢業之後，去到JSR股份公司做嘢。1969年，佢同櫻花彩色文具有限公司會長西村俊一大女櫻子結婚，分別有兩個仔女：大女桂子、大仔朝俊。後嚟，佢轉到華美達盛景酒店做嘢。

屋企

老豆：朝融王

阿媽：知子

兄弟姐妹：大家姐無名氏（私生女）---二家姐正子---三家姐朝子---大佬邦昭王---四家姐通子---五家姐英子---老七朝建（佢自己）---細妹典子---細佬朝宏王

老婆：久邇櫻子

• 大女：桂子（後嚟嫁畀近衛家嘅忠大）
• 大仔：朝俊