九肚村

九肚（Kau To）又叫九肚村，位於香港新界沙田區火炭，九肚山上嘅中心點。正確地址係雍坪徑，但個個司機都以為係九肚山路入村。

現任村長係羅馬福。村內有羅氏祠堂，而所有嘅村民都係姓羅，只有少數嘅外來人唔係。

交通

如果從九肚村出去沙田方法：

1. 搭專線小巴66K，由九肚山去沙田站巴士總站。途經馬鈴徑，九肚山路同埋馬樂徑。車費港幣7蚊，服務時間由朝早 6:30 到夜晚 11:30，每10-15分鐘1班車。
2. 搭市區的士（紅色），由九肚山去沙田站巴士總站車費大概要港幣25蚊。
3. 火炭/沙田搭814小巴，但經過脫班，等候時間超過半小時，曾向區議員周曉嵐求助但無果。

環境

九肚村嘅範圍，以洋房住宅為主。九肚村最初唔係好大，大部分地方都係田。從2007年開始，政府全面收購九肚村嘅農田，用來起住宅。但係2008年尾開始，由於某啲原因，政府停晒所有嘢，所以現時所有農地都荒廢晒。

截至2022年，好多棟樓都拆卸重新起過。