五二八荃葵遊行

  提示：呢篇文講嘅唔係八二五荃葵青遊行。

1989年5月29號荃葵遊行，係指喺八九民運期間，喺香港荃灣同葵青進行進行嘅一場聲援活動，有超過2萬人參加。

當時，北京學生發起「全球華人大遊行」聲援，香港民主政制促進聯委會發起「528港島環島大遊行」響應，但包括梁耀忠在內嘅一啲荃灣同葵青嘅區議員就考慮到唔係個個可以去咁遠，於是就有22名區議員為街坊另起爐灶。

當日，兩條隊伍分別喺葵芳同荃灣沙咀道球場出發，兩區遊行隊伍喺德士古道匯合，組成龐大隊伍，環繞荃灣市中心遊行，人數超過2萬人。梁耀忠喺2019年接受《香港01》訪問嘅時候就曾經提到，當時好多街坊會自發拎布寫橫額同籌集物資。佢又形容，同香港修例風波期間香港警察嘅態度同所作所為備受批評相比，當時嘅警察同汽車都好忍讓同尊重。另外，就連好多中資公司，都喺佢哋門口掛大字報支持北京學生。

而後嚟做咗荃灣區議會議員嘅鄺國全都話，呢場運動係佢決定從政嘅轉捩點。