五色

五色

五色係五隻色，至於邊五色，唔同範疇有唔同講法。

五行

五色旗

五正色，通常係指青、赤、黃、白、黑。呢度青即係藍，而赤就係紅。所以又有叫藍、紅、黃、白、黑。呢啲色配合五方、五行，藍（青），東方青龍，左方屬木；紅（赤），南方朱雀，前方火；黃喺中央屬土；白，西方白虎，右方屬金；黑，北方玄武，後方屬水。

五間色，通常係指綠、「紅」、緇、碧、紫。呢度「紅」即係橙，而緇就係灰。所以又有叫綠、橙、灰、碧、紫。

佛敎都有青黃赤白黑，是爲五色；但亦有其他分法。

民國早期嘅五色旗，都係呢五隻色，代表五族共和。