五道古火會

出自維基百科,自由嘅百科全書
跳去導覽 跳去搵嘢

五道古火會,係河北石家莊趙縣南楊家莊村一個流傳數百年嘅廟會,2011年列入河北省非物質文化遺產名錄。呢個慶典每年正月十五元宵節都會舉辦,自發組織唱大戲、掛彩燈、舞獅舞龍燈,重頭戲係晚黑嘅煙花表演,所用嘅係村民獨製嘅梨花瓶煙花成品。夜晚黑啲村民會焚香祭拜、燃放煙花,祈求五穀豐登、國泰民安。按當地村民啲描述,每年元宵到晚黑八點左右,廟會「會頭」就會執掌燃放煙花嘅號令燈——個五角星狀燈籠,上書八個大字「千年古火,永放異彩」。號令燈行到邊,就嗰度啲煙花就開始燃放。

廟會起源有唔少說法,比較主流嘅係愛來紀念一位五道將軍,陰司嘅大神,掌管人嘅生死榮祿。佢重有監督閻王判案嘅權力,甚至可以代閻王決定埋人嘅壽限。傳說中個五道將軍有正義感同同情心,留下眾多救助弱者、成人之美嘅佳話。所以啲村民信奉佢,起埋廟去奉祀。

1996年,楊風申成為咗「古火會」會頭,由佢揸實火藥配方,落手落腳製作慶典煙花。2016年正月十二(2月19號),楊風申同幾個村民製作成200幾個煙花成品「梨花瓶」陣,畀差佬上門指接獲匿名舉報稱有人組織非法製造爆炸物,拘留放監後,畀縣法院判定非法製造爆炸物罪成[1],上訴到省法院只獲免刑事處罰。楊風申需簽署保證書按照《大型群眾性活動安全管理條例》及《煙花爆竹安全管理條例》進行逐級上報審批啲慶典煙花,過唔到審查就會冇得再搞廟會同焰火晚會。「五道古火會」自楊出事經連續兩年冇燃放過煙花[2]

參考[編輯]