亞洲車身工程

亞洲車身工程（Asia Auto Body Works）係香港一間巴士車身廠，1988年成立，廠房設喺新界元朗區八鄉上村黃竹園，屬香港最大巴士車身承造商。

2002年，為咗令亞洲車身工程無限制加入香港嘅車身工程市場，冠忠巴士集團賣晒佢持有亞洲車身工程嘅18%股權，因此亞洲車身工程可以向同冠忠巴士集團競爭嘅其他非專利香港巴士經營商爭取業務。

2007年，亞洲車身工程被Scania認可為亞洲區合格車身承造商。