介錯
（呢幅相只係戲劇嘅片段，並唔係嚟真嘅切腹場面）
介錯係指喺日本切腹儀式之中幫切腹自殺嗰個人斬頭，令到佢快啲埋單，唔使再受痛苦嘅折磨。
由於切腹嘅過程太過痛苦，所以好多時候切腹者都會揾一個佢信得過嘅人嚟幫佢「介錯」。咁對於俾人叫嚟幫手介錯嗰個人嚟講係一件相當光榮嘅事。一般嚟講切腹者會揾一個自己最親密嘅好朋友、屋企人、兄弟或者係劍道高超嘅人嚟執行介錯。
扇子切（扇腹）
[編輯]去到江戶時代，切腹就慢慢演變成有名無實嘅儀式。為咗避免切腹者太過痛苦，好多時候用嚟切腹嘅武士刀都會換咗做把扇或者木刀，切腹者用佢係肚上面係咁意劃一下，介錯嗰下刀就已經斬咗落嚟，咁樣嘅「切腹」只係得個名，實際上同俾人斬頭冇乜分別，咁樣就係所謂嘅「扇子切（扇腹）」。