伊斯蘭教派
伊斯蘭教派係喺伊斯蘭教入面分出嚟嘅各個唔同派系，喺穆罕默德建立伊斯蘭教時，原意係以伊斯蘭思想為中心統一亞拉伯半島，佢曾經講過要統一、唔好分裂呢啲教誨，喺《古蘭經》入面亦有咁講：「你們當全體堅持真主的繩索，不要分裂」(古蘭經3:103)。但喺穆罕默德死咗之後，由於佢並無指定承繼人，亦無講要點樣推舉領袖，結果社會上唔同嘅政治勢力都想爭做亞頭，另外唔同嘅穆斯林社團對教義理解同信仰實踐上嘅分歧，於是喺之後嘅發展入面，唔同嘅公社一直分裂出唔同嘅教派、教團出嚟。而為咗令呢啲分裂現象有一個信仰上合理嘅解釋，就傳咗一條聖訓話：「猶太人分七十一派，基督教分七十二派，所以我哋要分七十三派。」不過係咪真係有呢條聖訓一直受到質疑，因為分裂咗出嚟嘅教派根本無七十三派咁多，如果計埋支派又多過七十三派兩倍。無論如何，喺伊斯蘭教嘅歷史其實好清楚睇到，伊斯蘭社團嘅分裂，對成個教有極為深遠嘅影響。
遜尼派
遜尼派(Sunni亞拉伯話： أهل السنة والجماعة)，全名係「遜奈和大眾派」，意思係「遵守遜奈嘅人」，佢哋又叫自己做正統派，伊斯蘭教徒最多嘅一派。佢哋以《古蘭經》作為佈道、立法同行教嘅根據，喺9世紀制定咗一套四大學科，即係聖訓學、經注學、教法學同教義學四個學科系統出嚟。後來因為對護教主義某啲觀點嘅爭論，又分出咗唔同嘅學派出嚟。
哈乃斐學派
馬立克學派
沙斐儀學派
罕百里學派
什葉派
什葉派(Shī‘a Islam或Shi‘ite Islam、Shi‘ism(亞拉伯話 شيعة šīʿa)，意思係「追隨者」，最初係阿里追隨者所組成嘅一個叫阿里黨人嘅政治組織，後來演變成一個宗教派系，亦即係「什葉派」。呢一派強調《古蘭經》並唔係一般人可以理解，只有神智超群嘅伊瑪目先睇得明，佢哋有自己一套四大聖訓集。呢派主要分佈喺伊朗、伊拉克、巴基斯坦、印度、也門，中國新疆亦有好小什葉派穆斯林。
十二伊瑪目派
伊斯馬儀派
裁德派
裁德派(Zaydiyyah)係喺8世紀第三伊瑪目侯賽因個孫裁德.本.亞里嘅擁護者組成，佢哋反對指定伊瑪目世襲，容許有幾個伊瑪目同時存在，而每個伊瑪目都可以有自己嘅領土同獨立嘅主權。佢哋又反對神秘主義，禁止蘇菲派，而家呢派主要喺也門地區盛行
卡爾瑪特派
德魯茲派
穆斯塔爾派
凱桑派
阿拉維派
阿赫里哈克派
蘇菲派
蘇菲派或者叫蘇菲主義(Sufism)，係伊斯蘭一個神秘主義派系，大約7世紀末產生出嚟。呢派思想受新柏拉圖主義、諾斯替主義、印度瑜伽派加埋好多外來思想影響而演變出嚟。佢哋通過冥想、靜思去達到人主合一境界。後來又有人話人主合一係無可能，最多只可以做到最接近真主嘅穆罕默德境界，於是喺18世紀又分咗「新蘇菲派」出嚟
卡里達教團
蘇哈拉瓦迪教團
里法伊教團
契斯提教團
沙茲里教團
毛拉維教團
納合西班教團
比克塔西教團
哈里哲派
阿扎里加派
納吉德派
易巴德派
蘇夫利葉派
教義學派
蓋德爾派
穆爾吉亞派
穆爾太亦賴派
艾什爾里派
卡拉米葉派
賈卜里派
薩里姆派
中國伊斯蘭教派
老派
白山派
門宦
哲合林耶
虎非耶
格底林耶
庫不林耶
伊合瓦里派
道堂派
理學派
依禪派
光明派
極端派
極端派(al-Ghulāh)其實並唔係一個教派，只係伊斯蘭教自己對於一啲極端信仰作風行為嘅統稱，最初係指將亞拉當做人，或者比喻做人，又或者認為亞拉會以肉身形式出現等等，喺伊瑪目問題上亦有分歧。到咗9世紀初，一啲伊斯瑪儀派成日以暴力或者暗殺手段去對一啲小派，亦畀人叫做極端派，
參考
主要參考書
- 《伊斯蘭教》 金宜久著 宗教文化出版社 ISBN 7-80123-086-8/G29
- 《伊斯蘭教小辭典》 上海辭書出版社 ISBN 7-5326-2033-6/B78
