伊瓦莉斯聯盟
伊瓦莉斯聯盟（Ivalice Alliance）係由日本遊戲軟件製作開發公司史克威爾艾尼克斯以最終幻想中嘅「伊瓦莉斯」為主題嘅遊戲開發計劃。
計劃2006年12月喺東京遊戲展中發表，係史克威爾艾尼克斯最新發表嘅遊戲開發計劃，同期嘅計劃重有Compilation of Final Fantasy VII、Fabula Nova Crystallis Final Fantasy XIII同埋World of Mana。
本計劃已發表咗3款遊戲：NDS嘅最終幻想XII：歸來之翼（最終幻想XII嘅續篇）、PSP嘅最終幻想戰略版 獅子戰爭（最終幻想戰略版嘅移植版）同NDS嘅最終幻想戰略版 A2：封穴的魔法書（太空戰士戰略版Advance嘅續篇）。
概要
[編輯]史克威爾艾尼克斯2006年12月13號喺東京遊戲展初次發表伊瓦莉斯聯盟，當中包括最終幻想XII：歸來之翼同兩款關於最終幻想戰略版嘅遊戲。當時發表最終幻想戰略版 獅子戰爭係一款PS移植至PSP嘅遊戲，而最終幻想戰略版 A2：封穴的魔法書就未發表遊戲平臺，之後先喺遊戲雜誌Fami通入面發表登陸NDS。
遊戲
[編輯]最終幻想XII：歸來之翼
[編輯]係一款NDS嘅角色扮演遊戲，係最終幻想XII嘅續篇遊戲，故事接續前作主角邦、潘妮蘿同班空賊橫渡伊瓦莉斯嘅故事。好似最終幻想XII一樣，可以編排一啲自動動作，而玩家就要以觸控式螢幕輸入指令。
最終幻想戰略版 獅子戰爭
[編輯]係一款PSP嘅角色扮演遊戲，移植自1997年發售嘅PS遊戲最終幻想戰略版。遊戲利用PSP嘅16:9寬螢幕，增加遊戲過場動畫同改進音樂。喺遊戲入面，玩家扮演一位年輕嘅貴族騎士蘭薩‧貝歐伍夫（Ramza Beoulve），因被斷言暗殺高級嘅教職人員而被當成異教徒，於是佢為咗找出真相而開旅程。
最終幻想戰略版 A2：封穴的魔法書
[編輯]係一款NDS嘅角色扮演遊戲，係最終幻想戰略版Advance嘅續篇遊戲。
出面網頁
[編輯]- （日文）太空戰士XII：歸來之翼官方網站
- （日文）太空戰士戰略版 獅子戰爭官方網站