伏見宮博明王
(由伏見博明跳轉過嚟)
伏見宮博明王（日文：ふしみのみや ひろあきおうFushiminomiya Hiroaki-ō、1932年1月26號—）係日本舊皇族，博義王大仔，伏見宮最後一任當主。1947年皇籍脫離之後，改名叫伏見博明。依家佢係日本文化振興會總裁、國際學士院總裁同埋美孚石油顧問。
經歷
[編輯]1932年，博明王響東京府出世，老豆係博義王，阿媽係博義王妃朝子，上有一個家姐光子。佢亦係博恭王第一個男孫。
1938年，老豆博義王因為心肌梗塞突然間死咗。1946年，阿爺博恭王都突然過身，所以博明王以十四歲嘅年紀繼承當主一位。1947年，響駐日盟軍總司令指示底下，十五歲嘅博明王皇籍脫離，改名叫伏見博明。
皇籍脫離之後，佢去美國麻省理工學院留學，返嚟日本之後做咗美孚石油顧問。響2001年，佢成為第五任日本文化振興會總裁。
由於佢冇仔，淨係得女，所以伏見家當主（即伏見宮皇籍脫離之後嘅一個家，但只係一個虛銜）一位響佢死之後就會因為冇男性後裔而絕家，除非佢從其他宮家嗰度過繼一個男仔做佢嘅養仔。
屋企
[編輯]老豆：博義王
阿媽：博義王妃朝子
老婆：吉川和子
| 上一任 伏見宮博恭王 |
伏見宮當主 1946年 - 1947年 |
下一任 （皇籍脫離） |
| 上一任 （新起） |
伏見家當主 1947年 - |
下一任 （現任） |