伏見宮博恭王

出自維基百科,自由嘅百科全書
Jump to navigation Jump to search
伏見宮 博恭王

伏見宮博恭王(日文:ふしみのみや ひろやすおうFushimi Hiroyasu1875年10月16號1946年8月16號)係伏見宮第二十五代當主,同時係元帥海軍大將。原名愛賢(日文:なるかた ),花名「長面君」。

經歷[編輯]

佢係伏見宮貞愛親王大仔,但係因為佢係庶出,而細佬邦芳就係正室所生,所以佢淨係得「王」爾個稱號,同埋佢唔可以繼承伏見宮。咁啱,華頂宮博經親王嘅獨仔博厚突然死咗,一下子華頂宮就冇咗繼承人,所以佢就畀人派去做華頂宮繼承人。後嚟,由正室所生嘅細佬邦芳身體轉差,而另一個細佬昭德又早死,所以佢響1904年以貞愛親王大仔嘅身份回歸伏見宮,改名叫博恭

佢曾經參加日俄戰爭黃海海戰,做聯合艦隊旗艦三笠號嘅分隊長,不過佢響爾場仗入面受咗輕傷。響1910年,佢先後做朝日號伊吹號大佐艦長、橫須橫鎮守府少將艦隊司令官、海軍大學校長、第二戰隊司令、第二艦隊中將司令同埋軍事參議官。響1922年以四十七歲之齡升上海軍大將,係當時日本海軍入面升得最快嘅軍人,連其他親王都冇佢升得咁快。

1923年,老豆貞愛親王死咗,佢正式繼承伏見宮當主一位。

響1924年,佢出任佐世保鎮守府司令長官(第22任)。1932年,佢接任海軍軍令部長同埋將官會議議員,重做埋元帥,係日本第一對元帥「父子檔」(老豆貞愛係陸軍元帥)。響1933年,佢接替谷口尚真,出任海軍軍令部總長。任內,佢同屬下永野修身一齊,積極強化日本海軍,重一直響度推動日海軍合作。不過響1945年,日本海軍官制畀人廢除,佢冇嗮所有官職。

博恭王響1946年死咗,終年七十歲,伏見宮當主個位由佢個孫伏見宮博明王繼承。

屋企[編輯]

老婆:德川經子(德川慶喜第九個女)