米爾頓·佛利民

出自維基百科,自由嘅百科全書
(由佛利民跳轉過嚟)
米爾頓·佛利民
姓名原文Milton Friedman
出生日1912年7月31號 喺Wikidata改呢個
出生地布碌崙 喺Wikidata改呢個
死亡日2006年11月16號 喺Wikidata改呢個 (94歲)
死亡地三藩市 喺Wikidata改呢個
死因心臟衰竭 喺Wikidata改呢個
國籍美國 喺Wikidata改呢個
識嘅語言英文 喺Wikidata改呢個
信奉Orthodox Judaism、agnostic 喺Wikidata改呢個
母校Rahway High School、哥倫比亞大學羅格斯大學芝加哥大學劍橋大學 喺Wikidata改呢個
職業經濟學家、statistician、大學教員、essayist 喺Wikidata改呢個
僱主芝加哥大學 喺Wikidata改呢個
政黨共和黨 喺Wikidata改呢個
配偶Rose Friedman 喺Wikidata改呢個
仔女David D. Friedman、Jan Martel 喺Wikidata改呢個

米爾頓·佛利民英文Milton Friedman1912年7月31號2006年11月16號)係美國一位經濟學家,以研究宏觀經濟學、微觀經濟學、經濟史、統計學、同主張自由放任資本主義而聞名。1976年攞到諾貝爾經濟學獎,以表揚佢喺消費分析、貨幣供應理論、歷史、同穩定政策複雜性等範疇嘅貢獻。1980年,佢幫過當時美國總統列根做過經濟顧問。佢喺2006年11月16號因為心臟衰竭逝世,享年94歲。

佢喺1980年代提出嘅「世上係冇免費午餐」成為當時嘅名言。

獎項[編輯]

  • 1951年:約翰·貝茲·克拉克獎(John Bates Clark Medal)
  • 1976年:諾貝爾經濟學獎
  • 1988年:國家科學獎章
  • 1988年:總統自由勳章(Presidential Medal of Freedom)

自由意志主義政策[編輯]

米爾頓·佛利民支持好多自由意志主義嘅政策,例如毒品同嫖妓合法化。

香港[編輯]

米爾頓·佛利民1969年嚟過香港,同嗰時任財政司嘅郭伯偉相識,兩人都信自由市場嘅無形之手,但係香港嘅積極不干預政策,並唔係嚟自於米爾頓·佛利民。英國香港實施自由港政策時,目的係要加強同中國嘅貿易,香港咁就奉行簡單低稅制、無外匯管制,亦無意插手商業營運,造就自由經濟體系

喺米爾頓·佛利民宣揚自由經濟學說時,成日都話香港係「自由經濟嘅最後堡壘」。佢喺1980年嘅著作《選擇的自由》中講到:「如果想了解自由市場嘅真正運作,就應該去香港。」

1998年香港爆發金融風暴,港府耗資千億入股市救亡,佢猛烈批評香港政府係「癡線」(insane)、想將香港「公有化」。

2006年,喺佢病逝前40日,佢喺《華爾街日報》發表〈香港錯了〉(Hong Kong Wrong)一文,抨擊香港政府放棄「積極不干預」制度,係香港嘅「悲哀」,令香港「唔再係自由經濟嘅閃亮象徵」。

直到病逝前一個禮拜,佢又再批評香港時任特首曾蔭權所辦嘅「幼稚園學券制」未經適當考慮,該政策原定唔資助私立幼稚園學生,米爾頓·佛利民指呢個舉指違背學券制增加競爭及提升學校質素嘅出發點,政府應提供「普及學券」,令任何幼稚園細路都受益。

米爾頓·佛利民自由獎[編輯]

米爾頓·佛利民畀卡托研究所(Cato Institute)用佢個名喺2001年開始頒發呢個「米爾頓·佛利民自由獎」畀對自由意志主義運動有重大貢獻嘅人士。佢同佢老婆露絲·米爾頓一齊搞左個米爾頓同露絲米爾頓·佛利民基金會。另外,米爾頓·佛利民個仔—大衛·米爾頓·佛利民(David D. Friedman)繼承咗佢擁護自由市場嘅思想,但更進一步嘅採取極端形式,支持呢個無政府資本主義

參考資料[編輯]

  • 米爾頓·佛利民----亞當.斯密信徒 大公報
  • 米爾頓·佛利民心臟衰竭逝世 蘋果日報
  • 米爾頓·佛利民病逝 新浪網
  • 繁榮三大因素─米爾頓·佛利民在北京的一次演講 大公報
  • 米爾頓·佛利民與香港淵源深 大公報

出面網頁[編輯]

  • "Milton Friedman - Facts - NobelPrize.org". NobelPrize.org (英文). Nobel Media AB.
  • Find a Grave英文Find a Grave上嘅米爾頓·佛利民