跳去內容

佢只係個細路呀

出自維基百科,自由嘅百科全書

佢只係個細路呀(原文:他只是個孩子呀)係一個網絡Meme,一張出自中國古裝電視劇《絕世高手之大俠盧小魚》嘅劇照,入面一個著古裝嘅中年女演員喊住咁講「他只是個孩子啊!」。呢張圖之後不時被唔少香港網民用嚟回應細路不當行為嘅萬能key,用嚟諷刺家長縱容孩子[1]

迷因出處

[編輯]

劇照出自2014年中國古裝電視劇《絕世高手之大俠盧小魚》,首集講述武林高手盧小魚落山返鄉下過年,以諷刺手法講述過年嘅時候遇到嘅細路孩會點樣搞破壞,連絕世高手都被玩到崩潰。有個小朋友將成碗麵倒喺盧小魚頭上,盧感氣憤,於是同佢阿媽盧七姑理論,結果不單無得到道歉或教晦,反而以一句︰「他只是個孩子!」來耍掉他,叫對方遷就個小朋友。盧小魚照辦煮碗將整碗麵倒在盧七姑頭上,盧七姑動氣,然後動手一巴掌摑到小魚臉上,點知盧小魚嘅爸爸向七姑還擊一大巴,然後又一句「他只是個孩子」,如是者,七姑嘅爸爸還手,小雨嘅爸爸嘅爸爸又還手,七姑嘅爸爸嘅爸爸再還手,直至驚動咗已入土為安嘅祖先爺[1][2]

評論

[編輯]

娛樂評論專欄作家余建形容,呢個迷因被廣傳,係因為大家都受夠啲細路仔,同埋家長嘅無理縱容,就算劇集本來出自中國,但香港情況都唔係好好多[2]

參考來源

[編輯]
  1. 1.0 1.1 卓柏安 (2019-02-07). 典金句「他只是個孩子呀!年無限loop 原裝劇堅搞笑. 港01 (香港中文). 喺2023-04-21搵到.
  2. 2.0 2.1 . Now 新聞 (香港中文). 喺2023-04-21搵到.