佳麗貸
佳麗貸係中國喺2017年左近開始出現嘅一種另類借貸服務，以女性為服務對象，以「低利息、無抵押、放款快」招徠，女性嘅「顏值」越高，借到嘅錢就越多。呢種借貸服務一般被視為犯法，而且實際上利息極高，涉及性相關嘅威脅，搵唔到錢嘅話可能要提供性服務，甚至捐卵還債。有經濟學者就分析，中國經濟增長走下坡，好多人唔夠工作機會同人工，又問唔到銀行借錢，結果就衍生咗好多呢啲不法嘅借貸模式[1][2][3][4][5]。
除咗佳麗貸，中國仲有好多其他另類「裸貸」、「醫美貸」借貸服務，但性質都係要女性錢債肉償[1]。
成因
[編輯]經濟學者羅家聰（末日博士）喺2020年12月接受香港蘋果日報嘅時候話，呢啲種另類借貸服務出現嘅表面原因係年青人易呃，但實際同整個經濟環境有關。佢話，呢十幾年嚟，內地經濟增長持續走下坡，就業機會少，大學生畢業後好難搵工，搵到工人工亦唔高。另外，有啲冇辦法讀落去嘅大學生想做生意，但佢哋好難問到銀行借錢，加上好多呢啲另類借貸公司嘅出現，亦令佢哋覺得借錢好正常[1]。
財經專欄作家渾水就話，呢個現象同內地對借貸嘅監管向來較寬鬆有關，內地借貸市場好容易衍生一啲騙案，成個生態唔健康[1]。
資料來源
[編輯]- ↑ 1.0 1.1 1.2 1.3 〈長沙逾700女陷「佳麗貸」 被迫賣淫捐卵還債 分析：借錢變常態 監管不力 ｜ 蘋果日報〉。《Apple Daily 蘋果日報》 (香港中文)。原著喺2020-12-12歸檔。喺2020-12-12搵到。
- ↑ 〈"佳丽贷"——繁华夜幕后的黑恶之果-新华网〉。www.xinhuanet.com。原著喺2021-02-11歸檔。喺2020-12-12搵到。
- ↑ 聯合新聞網 (20201211T133016Z)。〈長沙700多名女性墜入「佳麗貸」陷阱 被迫「肉償」 | 聯合新聞網：最懂你的新聞網站〉。《聯合新聞網》 (中文)。喺2020-12-12搵到。
{{cite web}}: Check date values in:|date=(help) - ↑ 自由時報電子報 (2017-11-27)。〈歪風！ 中國「佳麗貸」看長相放款 還不起就陪酒 - 國際〉。《自由時報電子報》 (中文)。喺2020-12-12搵到。
- ↑ TVBS。〈陸推「佳麗貸」看顏值放款 還不起就推下海│TVBS新聞網〉。TVBS (臺灣中文)。喺2020-12-12搵到。