《來自星星的PK》（PK，意思係「醉酒鬼」）係2014年一部印度波里活電影，講有個外星人去到地球嘅印度接觸到唔同宗教嘅經歷。電影譯名主要係借嗰陣時興嘅韓劇《來自星星的你》，但兩個作品完全無關係。呢套戲曾經係全球最賣座嘅印度電影，打破咗2013年《作死不離3兄弟》嘅紀錄，但2017年就畀《打死不離3父女》打破咗紀錄。
