俄羅斯政區有唔同分類。最常見嘅係俄羅斯聯邦主體，由各聯邦主體組成俄羅斯聯邦，到2022年總共有89個聯邦主體，但其中6個國際普遍承認屬烏克蘭領土。唔計嗰6個，83個俄羅斯聯邦主體可以細分6類：46個州、21個自治共和國、9個邊疆區、4個自治區、2個聯邦直轄市同1個自治州。
俄羅斯另一種政區分類係俄羅斯聯邦管區，全國有8個。
喺經濟統計上，俄羅斯亦被劃分唔同俄羅斯經濟地區，全國有12個。
