倉位

倉位（英文：Position），又叫做頭寸，係指投資者喺某隻資產（例如股票）所投入既資金。倉位亦可以用百分比嚟表示，即係投入既資金佔總資金既百分比。

例如，你喺第一證券（Firstrade）既總資金數量係一百萬美元，而你買咗十萬美元既AAL（美國航空既股票），咁你喺第一證券既AAL倉位就係10%（用百分比計），或者十萬美元（用投資額計）。

風險

有啲投資工具風險比較高，例如股票，如果你主要既投資係呢啲高風險工具，你要做好倉位管理。簡單啲講，倉位越大，潛在回報（Potential Return）越高，但係風險亦都越大。有啲投資工具風險比較低，例如短期美國國債（United States Treasury Bills），如果你主要既投資係呢啲低風險工具，你既潛在回報一般都比較低（當然近月利率咁高，短期美國國債既回報率隨時高過其他高風險既投資工具，不過呢啲可能只係短期現象）。