非黑即白

非黑即白（false dichotomy），又叫做假二分法、假兩難推理、假排中律（excluded middle）等等，係一種邏輯謬論。喺呢種謬論入面，犯嘅人事先已經假設咗某件事只係得兩種可能性，一樣嘢唔係啱就實係錯。呢種諗法之所以有問題，就係因為忽視咗其他喺兩個選擇中間嘅可能性，所以又叫「排中」。通常犯者只會考慮到一咋可能性嘅兩極端：例如我話你係錯，咁所以我就一定係啱。但係，其實有可能係兩個都錯、亦有可能係每人啱啲錯啲。因為諗嗰個人唔能夠考慮得到喺兩極以外嘅存在，淨係用黑同白嘅兩極模式嚟諗嘢，所以叫「非黑即白」。