健康那些事

健康那些事（Get Fit With Me），係新加坡新傳媒私人有限公司製作，關於健康生活為主題嘅綜藝電視節目。節目由許振榮、向雲主持，並且會邀請唔少藝人或者嘉賓上去，當時正值武漢肺炎疫情，節目亦會宣傳一啲新加坡政府防疫措施。有一啲嘉賓傳達呢啲訊息嘅時候，亦偶然會用上一啲方言，包括廣東話，潮州話同福建話。另外，一啲政府官員，例如王乙康同楊莉明亦會上去宣傳政府嘅措施。

部分節目內嘅環節

• 《運動這件事》：示範一啲為長者而設嘅運動，由運動指導員徐靜遠帶領，並且會有一啲比較年長嘅藝人，例如林茹萍 、劉謙益、陳澍城等參與。
• 《樂學新知識》：介紹一啲健康保健知識，同埋點樣防止衰老。
• 《飲食這件事》：介紹點樣煮一啲健康嘅菜式。
• 《手作小教室》：教授製作一啲小手作。