傳呼機

出自維基百科,自由嘅百科全書
Jump to navigation Jump to search
傳呼機

傳呼機,俗稱Call機BB機,係一種具有接收同傳送簡易文字信息功能嘅個人無線電通訊工具,喺1980~1990年代曾經係好流行嘅通訊設備,但係隨住手提電話嘅普及,而家世界各地已經陸續被淘汰,中國大陸、臺灣、日本等都已經全面結束傳呼業服務。

各地情況[編輯]

中國[編輯]

喺中國大陸,1980年代尾到1990年代初喺省會同大城市入面,屬主流嘅通訊工具之一。曾經喺1998年因用戶數量突破6546萬而名列世界第一人口多傳呼機數量。不過隨住手提電話嘅普及而逐漸開始墮落,直到2007年3月先至完全停運[1]

香港[編輯]

香港傳呼業自1970年代開始發展,傳呼機曾經成為普及嘅通訊工具之一。1990年代中期,手提電話盛行,傳呼業開始沒落,多間公司陸續結束傳呼業務,但係傳呼機喺香港重未完全被淘汰,而家重有一間公司電訊數碼提供傳呼服務,截至2020年3月,香港重有14,289位用戶[2]

功能[編輯]

傳呼機有單向(只能夠接收)同雙向(收發)兩種類型。但係單向只能夠接收嘅機種比較最常見。傳呼機通常畀使用者接收回覆請求,同時亦能夠接收其他留言信息。網絡供應商有時亦會提供各種增值信息,例如新聞股市信息等。

除此之外,因為接收嘅內容唔同,又分為四種機型:

  • 音樂機(冇任何嘅螢幕顯示,只會有鈴聲提示使用者,有人call佢)
  • 數字機(可以顯示數字同空白U-[])
  • 文字機(可顯示文字同數字)
  • 語音機(收到嘅係語音訊息,可以直接播出人聲)

技術規格[編輯]

發送信息去傳呼機嘅方式通常係打去一個指定嘅電話號碼,而傳呼機就會自動獲得打電話嘅人嘅電話號碼。而如果需要傳送文字信息,就通常需要打去網絡供應商嘅電話,同傳呼員講要傳送嘅信息,之後由傳呼員輸入電腦後代發,喺未有文字機之前,機主要打去call台度「覆機」叫傳呼員讀出嚟。有啲網絡供應商亦提供基於Web頁面或者係電郵嘅發送方式。

常見嘅傳呼機協議有TAPFLEXReFLEXPOCSAGGolayERMESNTT。喺亞洲地區,多數係用FLEXFLEX協議由摩托羅拉開發,呢個通訊協議提供單向信息傳送功能,使用900Mhz頻段。

參考[編輯]

  1. "别在腰间的传奇 寻呼机时代历史回顾". 原著喺2009-10-04歸檔. 喺2009-10-26搵到.
  2. 香港無線通訊服務的主要統計數字