優雅的家

出自維基百科,自由嘅百科全書
跳去導覽 跳去搵嘢
優雅的家
編劇權民秀
導演韓哲秀
主演林秀香李章宇裴宗玉
播映
首播頻道MBN
出面網頁
官方網站

優雅的家》(韓文:우아한 가 Uahan Ga),係韓國由MBN拍嘅一套電視劇,編劇係權民秀,而導演係韓哲秀。呢套戲係講一個響十五年前因為殺人案而冇咗阿媽嘅千金小姐,撞見一個見錢開眼嘅三流律師,之後發現屋企嘅秘密。

《優雅的家》第十六集嘅收視有8.478%,超越2014年嘅《天國的眼淚》,成為MBN最高收視記錄[1]

演員[編輯]

演員 角色 角色介紹
林秀香 毛碩熙 一個千金小姐,憑住佢嘅才能,根本一世都可以做有錢女。15年前,因為一單殺人案,阿媽(其實係養媽)畀人殺死,而佢畀人迫住去咗美國生活,15年後返嚟韓國,想搵單case嘅真相。

啲人以為佢係毛哲熙個女,實際上佢係毛王表個女。

李章宇 許允道/朴太浩 原名朴太浩,係任順個仔,但因為任順畀人屈話佢犯咗殺人罪而坐監,後嚟撞見許章秀,而咁啱佢個仔又死咗,所以就做咗佢個養仔,改名叫許允道。

大個仔之後先係做咗個三流律師,但係後嚟撞見毛碩熙,之後成功加入MC集團。

裴宗玉 韓濟菊 原先係一位法官,之後不顧一切地進入MC集團,成功由會長個度拎到實權,之後成立專門處理小組TOP組。佢依家係唯一一個知道嗮每個MC家族成員嘅資料。
鄭原仲 毛哲熙 MC集團現任會長,對屋企人有好大嘅控制慾,要求屋企人每一個禮拜就要出席晚餐時間。佢根本就可以睇通嗮屋企人,但係就淨係響度笑。
文熙景 夏英瑞 毛哲熙現任太太,完秀同埋完俊嘅親生阿媽。因為比毛哲熙嘅第一任太太(即碩熙個養阿媽)先生咗個仔,所以開始有野心。響第一任太太死咗之後,成為MC集團女主人。
李奎翰 毛完秀 毛哲熙同埋夏英瑞個大仔,電影導演兼製片人。由細到大都畀人睇唔起,畀人笑佢得佢老豆30%嘅能力。佢係殺死碩熙阿媽嘅真兇,正正因為咁而對碩熙特別關心。
金鎮祐 毛完俊 毛哲熙同埋夏英瑞個細仔,係MC集團副會長兼未來繼承人。佢係一個叻仔,由細到大都好受父母重視。

但佢後嚟佢畀人揭發佢係一個跨性別人士,呢一點令到父母好失望,同時影響埋自己未來繼承人嘅地位,後嚟老豆仲將佢嘅地位畀咗大佬完秀。

孔賢珠 白秀珍 毛完俊嘅前任太太,同佢感情冷淡,後嚟因為唔可以再忍落去而離婚。
全國煥 毛王表 MC集團創辦人兼前會長,響毛哲熙同埋韓濟菊嘅操作下,搞到佢依家淨係可以瞓響張床上面。

響咁多個屋企人入面,佢最錫毛碩熙,想碩熙接手MC集團,正因為咁而請韓濟菊入MC做嘢,但係最後韓濟菊反骨,轉為支持毛哲熙,所以就搞成咁。

朴惠娜 安在琳 毛哲熙第一任太太,因為生唔到仔女,所以過繼毛碩熙做自己個養女。響15年前畀毛完秀殺死。
吳勝恩 崔娜莉 佢係一線女演員,同時係毛哲熙嘅二奶,生咗個仔瑞真。之後因為受到夏英瑞打壓而帶埋個仔去老撾
全真㥠 毛瑞真 毛哲熙嘅私生仔,英文好叻,講得仲流利過韓文。
金哲基 尹相元 TOP現任法律組長,之前曾經係檢察官。佢主要係負責處理所有有關MC同埋TOP嘅衰嘢。
權赫賢 權俊赫 TOP現任警衛組長,之前曾經係特種兵。佢係韓濟菊嘅親信,表面係負責MC嘅警衛、保安、集團內部糾紛等等,但係實際上佢仲負責埋威脅同埋跟蹤。
朴榮鄰 皇甫珠英 TOP現任情報組長,之前做過黑客。佢響網絡呢方面係無所不能,所以佢主要負責調查、竊聽同埋非法入侵。
鄭惠仁 李慶雅 TOP現任組形象宣傳組長,之前做過記者,同金富基關係密切。佢主要負責網上炒作,專門宣傳MC集團屋企人嘅關係有幾好。
朴哲民 金富基 News Patch現任會長,原先響一間大傳媒度做嘢,後嚟因為發佈咗有關唱衰政府嘅新聞,因而畀人炒魷。之後,佢開咗News Patch,專門同TOP作對,但又同TOP成員李慶雅關係密切。

後嚟選擇同許允道合作,幫手查15年前單案嘅真相。

金允書 吳光美 News Patch旗下記者,最叻玩狗仔隊。同許允道係初中同學。
朴相勉 許章秀 許允道養父,開咗一間餐廳。15年前,因為老婆同親生仔都意外瓜咗,所以先執咗許允道做養仔。佢對於允道嘅工作覺得好自豪,成日周圍同人講。
鄭昊彬 周亨日 現任首爾中央地方檢察長,15年前因為同TOP合作,屈任順係殺死安在琳嘅兇手,而做咗檢察廳大紅人,順利升為檢察長,身家都多咗唔少。佢依家好想成為下一任檢察總長。

之後因為聽咗毛碩熙嘅話,將TOP組長韓濟菊拉咗,受到TOP反擊,畀TOP屈話佢貪污,之後因為咁而自殺身亡。

玄宇成 周太亨 周亨日獨仔,受到老豆託嘅福,順利做咗一名檢察官。依家,老豆想升職,但係佢就想娶毛碩熙,做MC集團嘅女婿。
趙慶淑 任順 許允道親生阿媽,之前曾經係MC集團嘅僕人,專門服侍安在琳。15年前,佢畀人屈係殺死安在琳嘅兇手,所以要坐監。
羅仁圭 吳仁奎 佢係一個差人,成日到許章秀間餐廳食嘢,因而識咗許允道,所以佢成日都幫許允道手。
張瑞京 高恩智 許允道嘅鄰居,響15年前唔知因為乜嘢事,做咗青梅竹馬,但就成日嘈交。

[編輯]

  1. "從2.6%到8.4%...《優雅的家》大結局再刷新收視紀錄!女主角林秀香今日前往泰國拍攝畫報". KSD 韓星網 (中文). 喺2020-09-03搵到.