元州街邨安安幼稚園斬人案

元州邨安安幼稚園斬人案係1982年6月3號喺香港發生嘅一單劈友案。

一位住喺九龍長沙灣元洲街邨嘅黐線佬李志衡，朝早喺屋企㨃冧佢老母同細妹之後，擸幾把架生衝落樓下嘅安安幼稚園，劈冧返緊學嘅細路，最終造成6死44傷。案發後李志衡羈留喺小欖癲人院。

事件引起社會對精神病患者嘅關注。2012年，即係慘劇30周年，多個關注團體舉行「倡導精神健康政策起動日」。其中一位當年案發時嘅倖存者，已經做咗葵涌醫院精神科護士同輔導人員，幫精神病康復者融入社會。

1986年，呢單嘢改編成電影《癲佬正傳》。