元州邨

出自維基百科,自由嘅百科全書
Jump to navigation Jump to search
元州邨
UnChauEstate UnHongHouse.jpg
元州邨元康樓
地區 深水埗區
類型 租住屋邨
入伙年期 1998(重建後)
樓宇座數 5座
單位數目 2797
面積呎數 9.7 - 49.0 呎(ft²)
伙數 2700
居民 8100
網站 [無]

元州邨Un Chau Estate)係香港嘅一條公共屋邨,喺九龍深水埗長沙灣元州街,最初叫元洲街政府廉租屋邨,後來叫元洲街邨1965年落成,1994年開始重建,1998年-2012年起好,改名做元州邨,而家畀晒領先物業管理有限公司管理。

歷史[編輯]

元州邨原本叫元洲街邨,1965年落成。呢度係長沙填地,前身係船廠同木屋區。元洲街邨起之前,呢區曾經有兩棟幾出名嘅樓,一係長沙書院,係呢區一間重要學校;另一係工商大旅館,有唔少旅港生意人暫居。

填海後,政府原本計劃起廿四棟徙置屋,後尾改為起兩座八層高同九座十五層高嘅徙置大廈。最尾都係決定喺度起設備好啲嘅政府廉租屋,政府喺呢度起咗八棟新式政府廉租屋大廈,每座高十五層。邨入面有三所標準小學同埋兩個標準街市。管理就由屋宇建設委員會做。

呢條邨原本計劃叫長沙灣廉租屋邨,因呢度喺正長沙灣海皮,後來為咗怕同1963年起好嘅長沙灣邨撞名,因為咁,就叫元洲街政府廉租屋邨1973年香港房屋委員會成立之後,條邨改名做元洲街邨。

其實,元州街邨嘅元州,原本寫做元洲,係形容填海前嘅島仔,所以原本元州街邨嘅字係用。因為附近有幾條街都有州字字,後來元州街個名有時都會寫錯做州縣嘅。不過,後來連屋邨名都改埋元州邨,正式取代咗「洲」。

直至1994年,條邨開始重建,第一、二、三同埋第八座係第一期重建,喺1994年3月俾人拆咗,即第一、三期重建。而淨低嗰第四到第七座,就係第二、四期重建,喺2000年2月俾人拆咗,第二期嘅居民大部分都安置到1999年新起嘅樓宇-元盛樓、元豐樓同埋元泰樓,條邨亦正式改名做元州邨。另外邨內元康樓、元和樓設有老人宿舍。

第二期同第四期重建樓已經喺2008年8月入伙,係元禧、元雅、元智、元樂同元健,而起嘅樓會用嚟安置因為部份受蘇屋邨重建計劃一期影響嘅居民。除此之外,第五期重建樓喺2012年2月入伙,而起嘅樓會用嚟安置受蘇屋邨重建計劃二期影響嘅居民。

出面網頁[編輯]