元洲

出自維基百科,自由嘅百科全書
跳去: 定向搵嘢

元洲Un Chau),原寫圓洲,係香港一笪地方,響家下新九龍深水埗裏面,大約家係長沙灣道大埔道南昌街桂林街框(讀入聲)住個範圍。未發展做市區之前,元洲原本係條村,位置響原深水埗北便。佢隔籬有三條村,東南便有田寮,西便有菴由,西北有 Ma Lung Hang。

元洲呢個名,好可能係由圓洲而來,原本可能係圓形嘅,不過呢度唔係歷史要地,不見經傳,無從稽考。元洲東面係有條,流去原深水埗北便,呢條涌最後變成今日南昌街條暗渠。而村北面又另一條。元洲周圍都幾平,有兩條涌水源,所以好啱種[1]。1924年,南便深水埗已經發展近元洲村邊[2],最後元洲村都埋響都市之下。香港政府就將大埔道同長沙灣道之間三條街,分別叫做菴由街田寮街元洲街[3]。前面嗰兩條最後都改咗名,叫福華街福榮街[4],淨返元洲街。

元洲街跟住長沙灣填海,拉到好長。後尾1965年響長沙灣新填地,政府起咗元洲街政府廉租屋邨,減筆元洲街邨,即係家下元州邨。不過條邨同元洲個位置爭好遠。除咗元州邨,元洲街公共圖書館同埋香港扶幼會元洲宿舍個名都間接來自元洲。

家下元洲最出名就係黃金高登電腦商場,而深水埗就響正元洲南邊。不過已經甚少人知道呢度係元洲。甚至有人誤會元洲係元州,以為係中國某處地名。

參考[編輯]

  1. 1902-03年香港政府地圖. 
  2. 1924年政府地圖. 
  3. "二十年代尾命名道路". 
  4. "曾改名道路".