元洲仔

出自維基百科,自由嘅百科全書
 呢篇文講嘅唔係元洲圓洲角
元洲仔東便。上面就係舊理民官邸

元洲仔Yuen Chau Tsai),原字為圓洲仔,係香港大埔市區東南一笪地方,響大埔海西岸。元洲仔原本係大埔河口附近一個,因島形稍,而比較細,而叫圓洲仔,而舊時因為方便,亦減筆寫做元洲仔。後尾因為大埔新市鎮發展,填海後同新界大陸連成一體。島上有舊時有理民府阿頭理民官官邸,英文叫Island House,即島屋咁解,所以英文又叫呢帶做Island House。元洲仔嘅官邸,今日係世界自然基金會香港分會嘅自然環境保護研究中心。島南有大王爺廟,係大埔漁民所供奉。元洲仔行政上歸大埔區

地理[編輯]

元洲仔響大埔市區運頭角同東南,黃宜坳以北。南面有大埔公路元洲仔段同吐露港公路,係大埔新市鎮嘅南大門。

元洲仔原本畀大埔海包圍,大埔填海之後,佢西岸同南岸同新界大陸相連。佢地勢唔高,最高只有海拔十幾米。山頂有世界自然基金會香港分會嘅自然環境保護研究中心。南便有大王爺廟,東南便海上有直升機場碼頭。西便有元洲仔煤氣檢管站。

元洲仔以西嘅新填地,近嘅係元洲仔公園,遠嘅係廣福邨宏福苑兩個屋邨

[編輯]

重修後嘅大王爺廟

元洲仔,史前已有人住響呢帶。元洲仔考古遺址[1]新石器時代晚期青銅器時代,距今約莫三千年[2]。個遺址早響1960年代,就有John Walden調查,並作紀錄。佢響元洲仔岸邊同南面斜坡,搵到石錛同幾何印紋陶片。1980年代同1990年代,都發現過史前遺物[3]。考古報告指,文化層響探方深125厘米左右[4]

1898年,英國由大清手上租到新界,當時管治新界嘅理民府就設響近大埔大和市運頭角山上。為咗方便統治,1902年,香港政府起咗大埔道,即家下大埔公路,由九龍通去上水。當中黃宜坳入大埔太和市一段,就經過元洲仔。為咗起條路,響運頭角同元洲仔之間起咗條,另有橋由堤近元洲仔一邊,搭去黃宜坳。到咗1905年,元洲仔起好理民官官邸[5]

1980年代,大埔新市鎮發展到東南,大埔河到元洲仔之間,大幅填海。之間嘅填地,就係廣福邨宏福苑兩個屋邨。而屋邨到過完善路嘅填地海岸,新林村河口到元洲仔嘅大埔海岸,就變成元洲仔公園

清末,由大埔漁民建大王爺廟,間廟曾經響1988年重建。

[編輯]

  1. . 原著喺2016年3月5號歸檔. 喺2009年12月4號搵到.
  2. (PDF). .{{cite web}}: CS1 maint: url-status (link)
  3. . 原著喺2016年3月5號歸檔. 喺2009年12月4號搵到.
  4. .{{cite web}}: CS1 maint: url-status (link)
  5. . 原著喺2020年11月24號歸檔. 喺2009年12月4號搵到.