運頭角

出自維基百科,自由嘅百科全書
Jump to navigation Jump to search

運頭角(Wan Tau Kok),又叫鬼仔崗圓崗差館山旗杆山(Flagstaff Hill),喺香港新界,係大埔一笪地方,響大埔河邊,有個山仔,地勢高過周圍。運頭角原本係海角,所以叫,喺正大埔河出大埔海出口。後尾因為大埔新市鎮發展,填海變內陸。

運頭角曾經係新界管治中心,係理民府所在地。家下亦都學校林立。大埔墟火車站喺正佢南面。

[編輯]

按早年英軍地圖,運頭角原本有條村,都係叫運頭角,所以佢周圍就叫運頭角。條村原本喺個山仔頂。

一八九八年七月一號,英國由大清手上得到新界。但接收要到一八九九年。香港政府揀咗呢度升旗,並立草棚做差館。期間好唔順利,因爲發生新界六日戰,戰事由此地開始。四月三號同十四號,畀人火燒草棚。呢處畀人隔山槍擊。英軍要派軍艦軍隊入大埔鎮住。十六號喺處升旗,英國正式接收新界。草棚後尾變差館。一九零七年,起咗理民府,打理全新界。後尾經過歷年分治,改為北約理民府,尾後又改做大埔理民府。所以運頭角係新界管治機要。

二十世紀,一十年代,運頭角南面起咗九廣鐵路。而運頭角個山,同北面一個更矮嘅山之間,有大埔公路穿過。

[編輯]

運頭角有車路運頭角里上山,直至理民府舊大樓為止,即係家下羅定邦童軍中心

古木[編輯]

運頭角百年來種有好多樹,曾經有木棉王,喺運頭角遊樂場側邊,係全香港最大嘅木棉,高約廿三樹幹直徑約一米半,樹冠覆蓋約三十米,曾經入香港《古樹名木冊》中之受保護樹木[1]。後尾因真菌入侵,根部枯死,香港政府以危害公眾安全為由,喺二零零九年十二月三號四號間斬樹。

[編輯]

出面網頁[編輯]