全球化學品統一分類同標籤制度

全球化學品統一分類和標籤制度（Globally Harmonized System of Classification and Labeling of Chemicals，簡稱GHS）又叫做「化學品分類及標記全球協調制度」，係一套由聯合國制定嘅化學品分類同標記系統，目的係統一唔同國家同地區嘅化學品分類同標記。GHS嚟自喺1992年聯合國環境與發展會議嘅提議：「喺2000年之前，建立一套全球統一嘅危險品分類同標記系統，包括化學品安全說明書同簡單易懂嘅表示符號。」呢套制度基於聯合國同北美原有嘅危險性物質分類同標記制度，中國國家標準 GB/T 22234-2008喺2009年2月1號起實施，歐盟規定 CLP Regulation（Regulation (EC) No 1272/2008）執行將唔遲過2015年5月31號。