八一一深水埗示威

出自維基百科,自由嘅百科全書
Jump to navigation Jump to search

八一一深水埗示威,係2019年8月11號由香港民間人士發起嘅一次反逃犯條例修訂示威。呢次示威本嚟係八一一深水埗遊行,由深水埗楓樹街遊樂場行到長沙灣深水埗運動場,但警方發咗「反對通知書」,主辦單位宣佈取消遊行。但係有深水埗區街坊同區外民眾嗰日照到原定遊行起點,沿長沙灣道行,行到長沙灣警署附近同警方對峙,但未有爆發嚴重衝突。之後有啲示威者去九龍其他地方搞快閃圍堵行動。其中尖沙嘴警署嘅圍堵行動,有女人被警方布袋彈打中眼;而葵芳站嘅圍堵行動,警方喺車站室內範圍放催淚彈,兩件事都引起廣泛批評。