八分音符柄向上，八分音符柄向下，八分休止符
四個八分音符連埋一齊
音樂上，八分音符（美式英文：Eighth note，英式英文：Quaver）嘅音符時值係全音符嘅八分之一。佢嘅長度係四分音符嘅一半，十六分音符嘅兩倍。佢個樣係實心卵形，加支柄，柄尾右面加條尾。如果響中間綫以上，柄向下，條尾彎上。中間綫或者以下，柄向上，條尾彎落。如果有幾個八分音符或者十六分音符等等之下嘅音符，就會唔畫條尾，改用支擔連住。
統一碼符號U+266A (♪).
八分休止符係同八分音符咁長嘅休止符，個樣似個細7字放響第二間同第三間度。
