八萬五起樓計劃

八萬五起樓計劃，簡稱八萬五，係時任香港行政長官董建華喺1997年度施政報告提出嘅一項房屋政策：每年供應至少85,000個住宅單位（包括公營同私營房屋），目標係10年內全香港七成家庭可以自置居所，輪候租住公屋平均時間由6.5年縮短到3年。不過計劃撞正亞洲金融風暴，令樓市下滑，社會由關注買樓問題變成關注負資產問題。2000年，董建華接受傳媒訪問，話佢自1998年無再提過「八萬五」，所以呢個政策一早已經唔存在。雖然董建華揹哂呢隻鑊，但係政商界大致相信，以上政策係梁振英嘅主意。