六秒一蚊

係九十年代嘅香港，有啲公司會提供一啲每六秒一蚊（或每六秒六毫）嘅收費電話服務，內容包括有交友、遊戲、算命、講故仔等等，有啲甚至係鹹濕服務都會喺電視或報紙上面賣廣告吸引用戶。

近年，有啲電台節目^[1]或者網民喺社交媒體或者網上討論區上面提到關於呢啲服務嘅回憶。例如細個嗰陣，自己或者身邊朋友試過打去，結果嗰個月就收到幾千蚊嘅電話單，比父母鬧，甚至係體罰，亦都有人表示入面嘅內容無稽或者拉長時間呃錢。