別什巴爾馬克

別什巴爾馬克（哈薩克文：бесбармак，巴什基爾文：бишбармаҡ, bişbarmag，韃靼文：бишбармак），係突厥人中意嘅一種菜肴，又係哈薩克嘅國菜。「別什巴爾馬克」係音譯，意譯係「五個手指」。別什巴爾馬克即係熟嘅馬肉或者羊肉加上湯、麵片，係哈薩克、吉爾吉斯等地方宴會上嘅主菜。

名

「別什巴爾馬克」喺突厥話嘅意思係「五個手指」，點解叫做有「五個手指」有不同嘅解釋。一種講法，別什巴爾馬克傳統食法係用手食，所以叫做「五個手指」；另一種講法係，要做出好食嘅別什巴爾馬克，用嘅肉上面嘅脂肪一定要有五個指頭咁厚。

文化

響吉爾吉斯等地嘅宴會上，別什巴爾馬克係最重要嘅菜肴，通常響宴會嘅最後奉上，一般已經係午夜。響哈薩克斯坦，別什巴爾馬克係婚禮嘅主打菜。響哈薩克斯坦，製作別什巴爾馬克時講究男人切肉，女人切麵。如果用羊肉製作別什巴爾馬克，一般重要烹制羊頭，獻畀最尊貴嘅客人。