提示：呢篇文講嘅唔係
荔園。
利園係香港舊時一個遊樂場，喺銅鑼灣嘅鵝頭山（因為呢座遊樂場而改名做利園山），由商人利希慎搞。
1923年利希慎由怡和洋行買咗鵝頭山，本嚟想起鴉片煙廠，但最後起唔成，原址就發展做遊樂場，1925年開張。遊樂場入面有大戲戲院、魔術表演、雜耍表演同酒樓等設備，入場費三個仙，搶咗當時另外幾個遊樂場生意，而名園同太白樓兩個遊樂場過幾年就執咗。不過自從隔籬同樣由利希慎搞嘅利舞臺開張後，利園就無乜搞作，1931年就停業，原址就租畀人搞活動，譬如東華醫院園遊會籌款。1950年代，利園先至正式拆咗嚟起樓，包括利園酒店。
