前29世紀

千年：	前3千年
世紀：	前31世紀 - 前30世紀 - 前29世紀 - 前28世紀 - 前27世紀
年代：	前2890年代 - 前2880年代 - 前2870年代 - 前2860年代 - 前2850年代 前2840年代 - 前2830年代 - 前2820年代 - 前2810年代 - 前2800年代
分類：	出世 – 死 出現 – 消失

前29世紀係前2900年至到前2801年嗰一百年嘅世紀。

重要事件

• 大約公元前2900年：蘇美爾進入早王朝時期第一期。
• 大約公元前2900年至前2600年：伊什努那（而家伊拉克特爾阿什馬爾）方形神廟製作嘅奉獻雕像。
• 大約公元前2900年至前2400年：蘇美爾象形文字演變成表音文字。
• 公元前2900年至前2334年：美索不達米亞早王朝時期戰爭頻繁。
• 公元前2900年：第一個馬里王國建立。
• 公元前2890年：埃及法老卡阿死咗，第一王朝結束，第二王朝開始，由荷特普塞赫姆維即位。
• 公元前2890年：阿卡德語人名開始有記錄。
• 公元前2880年：普羅米修斯樹估計開始發芽，曾被認為係世界最古老嘅現存生物，直至1964年被砍伐。
• 公元前2879年：雄王京陽王建立越南鴻龐王朝。
• 大約公元前2874年：古埃及採用365日曆法，每個陰曆月30日，加上5日閏日。
• 公元前2863年：埃及第二王朝王子拉涅布大約喺呢年出世。
• 公元前2860年：薩卡拉A號墓開始建造。
• 公元前2852年：中國進入三皇五帝時期。
• 公元前2832年：當今地球上最古老嘅現存樹木及生物——瑪士撒拉樹估計開始發芽，喺今日美國加州因約縣。
• 公元前2807年：推測喺5月10號一次日食期間，非洲同南極洲之間發生小行星或彗星撞擊，可能造成布克爾隕石坑同芬南博西V形沉積。
• 烏爾成為蘇美爾最富有嘅城市之一。