創奇思

創奇思(Cherrypicks Limited)係一間香港科技公司，喺2000年由香港親中派資訊科技界人士趙子翹創立，另外大連市政協委員錢國強就擔任副總裁。創奇思大客戶為城巴、SONY、新世界發展、花旗集團、美心、港鐵等。

2014年，中國遊戲商網龍網絡以超過2.4億港元收購創奇思。

爭議

創奇思開發嘅應用程式曾經引發多次爭議。

喺2012年，創奇思負責開發香港小姐一人一票全民直選嘅TVB Fun手機應用程式，但伺服器喺投票期間失靈，最終評判評分選出當年三甲。

2017年，滙豐聘用創奇思開發手機支付程式PayMe，但推出當日就發生嚴重故障，用戶喺登記或過數嗰陣都出現困難。

而去到2019新型冠狀病毒肺炎香港疫情期間，佢哋喺2020年獲政府批出安心出行流動應用程式合約，但應用程式之後被發現有唔少問題，應用程式有漏洞，私隱安全無保障。問題更加因為政府用行政手段強行要市民使用引起唔少風波，亦有市民因應創奇思中資背景而擔心個人資料會被送中，去到2022年更加被傳直社揭發喺推出初期第一版已經有本身功能上唔需要嘅人臉識別功能，又出現錯誤刪除市民打針紀錄，影響市民外出嘅活動。