劍福爾

劍褔爾嘅插圖，嚟自16世紀

劍福爾（法文：camphruch）係一種棲息印尼摩鹿加群島或者非洲衣索比亞至好望角一帶、水陸兩棲嘅獨角獸。

形象

劍福爾同獨角獸最大嘅分別係劍福爾嘅後腳有好似鵝咁嘅蹼，令佢可以同時生活喺陸地同水入面。佢嘅體型同一隻雌鹿差唔多，頸上生咗一圈灰色嘅鬃毛。劍福爾嘅角有三英尺半，同手臂差唔多粗。而且仲識喐，令劍福爾可以靠佢落海捉魚食。同獨角獸一樣，劍福爾嘅角都可以解毒，而且劍福爾性情好戰、凶殘，所以好難可以拎到佢嘅角。該地嘅居民亦會將角當做獻畀國王嘅珍品。

現實來源

劍福爾嘅各種特徵可能嚟自獨角鯨、海狗、河狸、鵝同埋羚羊。