動產

動產（英文：personal property / movable property）係指啲「郁得」嘅財產，即係件財產郁咗都唔會有損佢嘅價值，好似一個人啲傢俬或者汽車都係動產，而相比之下，一笪土地或者一間屋（簡化噉講）唔郁得，或者郁咗就會明顯影響佢嘅價值。

好似傢俬、交通工具（包括私家車同電單車等）或者個人電腦呢啲「郁得」嘅物品，都算係動產^[1]，而房地產正常嚟講唔包動產－想像有個人（可能因為想移民）賣咗自己棟房地產，佢只係賣緊佢笪地同笪地上面嗰間屋，間屋入面啲傢俬依然係屬於佢嘅－除非佢做買賣嗰陣，講明將啲傢俬賣埋俾對方；佢頂攏淨係有義務要喺限時內將啲傢俬搬走。