北村韓屋村
| 北村韓屋村 | |
|---|---|
 北村韓屋村裏面嘅三清洞一帶 | |
| 韓文名 | |
| 諺文 | 북촌한옥마을 |
| 朝鮮漢字 | 北村韓屋마을 |
| 文觀部式 | Bukchon-hanongma'eul |
| 馬-賴式 | Pukch'on-hanongmaŭl |
北村韓屋村（韓文：북촌한옥마을／北村韓屋마을 Bukchon-hanongma'eul）係南韓首爾鐘路區三清洞同嘉會洞一帶一個地方，喺景福宮同昌德宮之間，連接北嶽山同鷹峯山脈嘅南邊山腳，北高南低，所以冬天好暖，排水又好，自古被睇成風水寶地，自朝鮮時代就吸引貴族、官等世家喺爾處嘅韓屋住。後來江南地區開發，好多人搬去嗰頭，爾處唔少韓屋就拆徂。1980年代，政府將韓屋睇成文化遺產保育，北村慢慢做徂首爾市中心最大規模嘅韓屋村。
北村傳統味濃，聚集徂900幾座韓屋，係南韓好多電影同電視劇作品嘅外景拍攝地。
北村支路繁多，似足迷宮；另外有所謂「北村八景」，係八個最好嘅欣賞點，不過位較為分散，主要係韓屋同埋巷仔嘅景。
家下北村嘅韓屋有啲係住宅，有啲做徂民宿，有啲就改建徂做咖啡室等等舖。北村入面重有幾間博物舘，包括北村文化中心、北村韓屋體驗舘、我們家韓屋體驗舘、樂古齋韓屋體驗舘、貓頭鷹美術工藝博物舘、玩具博物舘、世界首飾博物舘、圖伊吉諾博物舘、絲路博物舘、西藏博物舘、非洲美術舘同首爾教育歷史資料舘等等。
2009年，聯合國教科文組織頒發「亞太區文物古蹟保護獎傑出項目獎」畀北村韓屋村，表揚爾處嘅復修成績。
交通
[編輯]圖
[編輯]
睇埋
[編輯]攷
[編輯]- 《出境遊指南 韓國 大首爾》。郭良蕙新事業有限公司。2016年。頁 8。ISBN 978-988-8357-69-7。
出面網頁
[編輯]
