《十事疏》（疏讀陰去）原本叫《答手詔條陳十事》，係大宋嗰陣嘅政治改革方案，係1043年（慶曆三年）范仲淹等呈畀第四任皇帝趙禎，希望可以改善吏治、法令、兵備同富國，亦開始咗慶曆變法。
十事疏之所以叫十事疏，係因為總共有十項改革，而疏係疏導，打通政事嘅意思。
十事分別係明黜陟、抑僥倖、精貢舉、擇長官、均公田、厚農桑、修武備、覃恩信、重命令同埋減徭役。
