12金鴨

出自維基百科,自由嘅百科全書
(由十二金鴨跳轉過嚟)

12金鴨》(英文:12 Golden Ducks),係2015年上畫嘅港產片,由吳君如劉浩龍姜皓文蔡瀚億主演,鄒凱光執導,另外仲有謝霆鋒任達華陳妍希陳奕迅趙薇鹿晗盧海鵬薛凱琪陳靜黃秋生周秀娜李若彤梁洛施黃偉文王菀之等藝人客串[1]

故事講述昔日鴨王萬人迷張近萊(Future張,吳君如飾演),因為感情受創遠走泰國。喺好友魯老師(黃秋生飾演)嘅激勵下,佢搵嚟貼身教練洛雞(古天樂飾演)相助重練鋼鐵人身,決定要喺香港鴨界重振雄風。點知佢賺女人錢嘅地方,已經由夜店變成老人院、暗藏春色嘅泰式菜館等…。終於一個千載難逢嘅機會,佢被當紅名媛梁李笑茜(容祖兒飾演)選中,一齊上電視跳舞,但條件係必須搵齊12位身懷絕技、各有所「長」嘅舞男[2]

製作過程[編輯]

呢套戲其中一個廣受關注嘅賣點,就係吳君如犧牲色相、女扮男裝嘅反串演出[2][3]。拍攝期間吳君如每次「整胸」特殊化妝,都至少6個工作人員對佢上下其手進行。吳君如又話,因為特殊化妝用到嘅,擁有人魚線同埋肌肉嘅『人造皮肌肉』有一定厚度,如果身形唔夠纖瘦,效果會顯得臃腫,所以想偷懶唔做運動都唔得,連食飯都要同幾個男模特兒一樣淨係食雞肉同菜[4]。佢又話,自己喺呢套戲嘅形象其實係參考自己心目中嘅男神,包括梁朝偉劉德華張國榮[5]

陳妍希、趙薇、梁洛施同埋容祖兒飾演唔同尋歡嘅女性,亦成為咗一啲傳媒嘅關注所在[5][6]。另外,亦有啲傳媒提到,吳君如同謝霆鋒上演中學時期嘅戲碼,謝霆鋒喺戲入面暗戀吳君如,而吳君如就強吻謝霆鋒,仲大玩「抓鳥遊戲」[7]

迴響[編輯]

  • 影評專頁《晞。觀影記事》喺立場新聞撰寫影評嘅時候,形容呢套戲算係群星賀歲式喜劇,以大堆頭卡士以喻港人逆境自強,有熱鬧嘅感覺,亦有帶出一定人情味同感人情節,但係劇情相對鬆散,比唔上吳君如之前嘅《金雞》[8]
  • 影評專頁《講。鏟。片》以「吳君如的男妓大派對」形容呢套戲,指呢套戲結構較為鬆散,但亦令觀眾對於過去可以有一定嘅反思,唔同演員都有亮點,觀眾入場可得到預期所需[9]

參考[編輯]

  1. https://www.facebook.com/ETtoday. 電影/12金鴨 香港演員很團結 | ETtoday名家新聞 | ETtoday新聞雲. www.ettoday.net (繁體中文). 喺2020-12-29搵到. {{cite web}}: |last= has generic name (help); External link in |last= (help)
  2. 2.0 2.1 12金鴨君如女扮男裝 短髮蓄鬍、大露肌肌. (臺灣中文). 喺2020-12-29搵到.
  3. 12金鴨君如犧牲色相女扮男裝 短髮蓄鬍、大露肌肌 堪稱從影最man演出! - yamMovie電影特區. movie.yam.com. 喺2020-12-29搵到.
  4. ETtoday新聞雲. 君如程曝光 上空入鏡依然這麼帥氣! | ETtoday星光雲 | ETtoday新聞雲. star.ettoday.net (繁體中文). 喺2020-12-29搵到.
  5. 5.0 5.1 ETtoday新聞雲. 德華、張國榮、梁朝偉綜合體!用胸肌安慰陳妍希心靈 | ETtoday星光雲 | ETtoday新聞雲. star.ettoday.net (繁體中文). 喺2020-12-29搵到.
  6. 自由時報電子報 (2015-03-16). 妍希釣大魚 讓鴨王抓奶摸下體 - 自由娛樂. . 喺2020-12-29搵到.
  7. ETtoday新聞雲. 眾脫衣無恥度!吳君如強吻謝霆鋒大玩鳥遊戲 | ETtoday星光雲 | ETtoday新聞雲. star.ettoday.net (繁體中文). 喺2020-12-29搵到.
  8. 12金鴨:吳君如的群星派對 | 晞。觀影記事 | 立場新聞. 場新聞 Stand News (英文). 原著喺2021-01-17歸檔. 喺2020-12-29搵到.
  9. Ryan (2015-02-13). 12金鴨吳君如的男妓大派對. (臺灣中文). 喺2020-12-29搵到.