印巴分治

1947年、1948年分別自英屬印度獨立嘅四個國：印度、緬甸、錫蘭同埋巴基斯坦（包埋孟加拉國）

印巴分治（即係印度分治，Partition of India）指1947年8月14號同1947年8月15號，大英帝國統治嘅英屬印度分咗做兩國－巴基斯坦自治領（Dominion of Pakistan，後來嘅巴基斯坦伊斯蘭共和國）同印度聯邦（後來嘅印度共和國）。英屬印度嘅孟加拉省分為東巴基斯坦同印度西孟加拉邦，旁遮普地區分為西巴基斯坦嘅旁遮普省同埋印度旁遮普邦。

分治條款無涉及到孟加拉國嘅獨立，亦無講英屬印度管理嘅錫蘭同緬甸分治。緬甸喺1948年1月4號獨立，錫蘭喺1948年2月4號獨立；孟加拉國跟住喺1971年嘅孟加拉國獨立戰爭獨立。尼泊爾、不丹曾經係英國嘅殖民地，但一直唔屬於英屬印度，無被條約影響。